Renderët e rinj, të cilët janë shfaqur këto ditë, tregojnë se si mund të duken dy nga tre modelet e reja të iPhone që priten këtë vit.

Renderët janë të bazuar në informacionet rreth telefonave, të cilët janë shfaqur në muajt e mëparshëm.

Renderët u publikuan nga sajti NieuweMobiel.nl, dhe e tregojnë një model të mundshëm të iPhone X për vitin 2018, si dhe iPhone më të përballueshëm me një ekran LCD 6.1 inçësh.

Apple këtë vit i planifikon tri modele të iPhone: OLED iPhone X 5.8-inçësh (pasues i drejtpërdrejtë i telefonit të vitit të kaluar), iPhone LCD 6.1-inçësh i cili do të jetë edhe më i liri, si dhe OLED iPhone X Plus 6.5-inçësh.

Siç mund ta shihni në render, çmimi më i ulët në modelin LCD iPhone do të arrihet duke i hequr disa nga funksionet kryesore, si sistemi me dy kamera. Prerja në ekran është ende e pranishme, si dhe ekrani edge-to-edge pa sensor për gjurmë gishtash.

Të gjithë telefonat iPhone 2018 do të duhej të prezantohen gjatë muajit shtator, ndërsa në treg priten në tetor.